Колаген инјекциона терапија

Што претставува Колаген инјекционата терапија

Колагенот е протеин и примарна компонента на сврзното ткиво, а заедно со еластинот ја сочинуваат потпорната структура на кожата. Помага во одржување на цврстината, тонусот и тургорот на кожата, правејќи го вреден сојузник против стареењето на кожата. Затоа колагенот е еден од главните фактори кои помагаат да се одржи здрава кожа. Колаген инјекционата терапија (комерцијално позната како Nithya collagen) е естетска процедура која се прави со инјектирање на колаген тип 1 – добиен од коњска тетива – под вашата кожа. Коњскиот колаген е најбезбедната форма на животински колаген и се смета за „златен стандард“ во колагено терапијата. Со колаген инјекционата терапија може да се третира кожата на лицето, вратот, деколтето, дланките и критични места на телото, како стомак, бедра, задник, колена, надлактици.

Ефект: надополна на изгубениот колаген во ткивото, неоколагенеза – стимулација на колаген продукција, зголемена еластичност на кожата, враќање на младешкиот изглед, измазнување на брчките на лицето, подобрување на изгледот на лузните, избелување на пигментации, корекција на несовршеностите на телото како целулит, лузни и стрии.